Yadigâr-ı Şebâb/Lahn-ı Evvel

“	Ne güzeldir hele eyyâm-ı şebâb Ömr-i insândan odur belki nisâb Doğrusu fasl-ı şebâbın edemem Zevkıni lezzetini add ü hesâb Hâlet-i ömr-i beşer hakkında Beni ger eyleseler isticvâb Gençlik olmasa-derdim-bu hayât Bizedir mahz-ı belâ mahz-ı azâb Ukalâ elbet ederler tasdîk Bu sözün olduğunu ayn-ı savâb Ben düşündükçe o eyyâmı hele Eylerim gönlüme bu yolda hitâb Geçti rü'yâ gibi âh ol demler! O güzel günler o hoş âlemler !	”