Nağme-i Seher/Kafiye-i Zâ/Birinci Gazel

Kâfiye-i zâ aded-i gazel 8

Geh gavta-hâr-ı kulzüm-i Ummân-ı gurbetiz
Geh sîne-sûz-ı âteş-i nîrân-ı gurbetiz
Bî-hem-dem-i muvâfık u bî-yâr-ı gam-güsâr
Yâ Rab ne tîre-baht-ı garîbân-ı gurbetiz
Diller be-hem-nişîn-i ser-i zülf-i ham-be-ham
Biz târ mâr-ı vâdi-i hicrân-ı gurbetiz
Geh çetr-i bî-tınâb kurup dûd-ı âhtan
Deşt-i belâda hâne-be-dûşân-ı gurbetiz
Hûrşîd olur dehânımıza nemçegân-ı lûtf
Kim teşnegân-ı ser-i beyâbân-ı gurbetiz

Olsak aceb mi hem-reviş-i ömr-i bî-sebât
Şimdi reh-i fütâde-şitâbân-ı gurbetiz
Savruldı hâk olup tenimiz rûzgârdan
Ây vây hasretinle perîşân-ı gurbetiz
Oldukça dilde şu'le-feşân dâg-ı iştiyâk
Pertev-firûz-ı kûşe-i zindân-ı gurbetiz
Olmazsa kûy-ı yârda * Ekrem * vatan nasîb
Tâ rûz-ı haşr kadime-cünbân-ı gurbetiz