Nağme-i Seher/Kafiye-i Zâ/İkinci Gazel

Hem berk-i cemâliz ruh-ı Leylâ'da ıyânız
Hem âteş-i aşkız dil-i Kays içre nihânız
Ol dâver-i aşkız dil-i sad-çâk ile her dem
Bin leşker-i endûh ü gama kehf-i emhanız
Biz hâk-nişîn-i der-i meyhâne-i aşkız
Keyhüsrev-i dânâ-dil-i Cemşîd-nişânız
Teng olsa aceb mi bize nüh-sâha-i imkân
Biz refref-i hoş-cünbüş-i âzâd-ı nânız
Yârân iledir da'vi-i bî-câmız acebkim
A'dâya tebehgerde-i nakd-i dil ü cânız

Biz fitne-i şûr-efken-i bî-güft ü şinîdiz
Biz tîr-i kazâ me'men-i bî-kavs ü gümânız
Ârâyiş-i elfâz ne lâzım bize * Ekrem*
Biz şâ'ir-i rengîn-sühan-ı tâze-beyânız