Nağme-i Seher/Kafiye-i Hâ/Altıncı Gazel
Yâr her sûdan hüveydâdır şeb-i mehtâbda
Cân u dil mest-i temâşâdır şeb-i mehtâbda
Feyz-i lûtfundan kılar kesb-i tarâvet cân u dil
Seyr-i bâg endûh-fersâdır şeb-i mehtâbda
Mâh rûyun yâd edip hasretle eyler âh u zâr
Cân-ı şeydâ nâ-şekîbâdır şeb-i mehtâbda
Cûș eder her revzeninden nûr-ı mihr-i ahmedî
Meskenim gar-ı tevellâdır șeb-i mehtâbda
Eyle teșrîfinle reșk-endâz-ı burc-ı mâhtâb
Meclis-i ișret müheyyâdłr șeb-i mehtâbda
Azm-i bâg et kıl temâșâ sûret-i endâmını
Havz-i mir'ât mücellâdır șeb-i mehtâbda
Ahterân hâl ebr gîsû vü șafak reng-i hizâb
Âsmân rûy-ı dil-ârâdır șeb-i mehtâbda
Her habâb-ı eșk-i bülbül in'ikâs-i nûrdan
Sû-be-sû tûr-ı tecellâdır șeb-i mehtâbda
Sâye-i ebr eyledikęe gülleri rûdur hicâb
Bülbül-i âșüfte Mûsâ'dır șeb-i mehtâbda
Ukde-bahș-ı riște-i cân olmada hattın gibi
Fikr-i zülfün bașka sevdâdır șeb-i mehtâbda
Çarh-ı mînâdan nümâyân aks-i cesîm târikin
Arș-ı tecrîd üzre Îsâ'dır șeb-i mehtâbda
Zulmetin zerrâta bahș-ı penev ettikçe zemîn
Gıbta-bahș-ı çarh-ı mînâdır șeb-i mehtâbda
Bir letâfet âsmâmdır ki gülșen jâleler
Onda bir bir necm-i garrâdır șeb-i mehtâbda
Ol meh-i Ken'an'ın eyler cüst ü cû dâmânını
Șâh-ı gül dest-i Zelîha'dır șeb-i mehtâbda
Nâr olur te'sîr-i bahtımdan yine *Ekrem* cihân
Gerçi zulmetten müberrâdır şeb-i mehtâbda