Nağme-i Seher/Kafiye-i Bâ/Beşinci Gazel
Ahım olınca velvele-ârâ-yı ıztırâb
Aksi kılar felekleri gûyâ-yı ıztırâb
Gözde hayâlin olsa ne dem cilve-sâz eder
Her katre-i sirişkimi deryâ-yı ıztırâb
Bi'llâh aşkın etti dili mâye-gîr-i feyz
Oldı harîm-i câna süveydâ-yı ıztırâb
Gör pây-mâle gâh sezâ hâk-i cismimi
Tâ kalmayım esîr-i temennâ-yı ıztırâb
Hûy-rîz-i tef ü tâb-ı gamım sanma dostum
Dilden tereşşüh eyledi deryâ-yı ıztırâb
*Ekrem * bu sûz u tâbla olmaz mı âh-ı dil
Arz u semâya zelzele-bahşâ-yı ıztırâb