Bizimle İmtizâc Etse Nola Ol Pâdişâ Meşreb

−1−

Bizimle imtizâc etse nola ol pâdişâ meşreb
Gedâlar pâdişa meşreb gerek şehler gedâ meşreb
Yürü var hırka vü tâcı bize arzeyleme sofi
Nice hıfzeylesün anı gedâ-yi bînevâ meşreb
Bana câm-ı mahabbetten sunulmuş sana kevserden
Hakikat hep bir olmaz muhtelifdir zâhidâ meşreb
Yine Mansûr veş bednâm-ı âm olmak diler gönlüm
Yine Mecnun gibi şeydalığ eyler iktizâ meşreb
Sakın esrâr-ı aşkı Husrevâ keşf etme zühhâda
Nice fehmeylesün anı olan ehl-i riyâ meşreb