Zeytun murahhasasının telgrafı

Sadâret-i Uzmâ
Mektubî Kalemi
Tarih: 12 Rebîülâhir sene [1]327 - 19 Nisan sene [1]325

Harbiye Nezâret-i Aliyyesi'ne

16 Nisan sene [1]325 tarihli tezkireye zeyldir. Adana ve havalisinde sükûn ve asayiş bir kat daha te’min edilmiş olmak üzere iğtişâşât-ı vâkı‘a mürettiblerinden mevkûf bulunanların şedîden dûçâr-ı mücâzât edilmeleri istid‘âsına dair bazı ifadâtı hâvî Zeytun Ermeni Murahhasası Vagarşak ve rüfekâsı imzalarıyla Zeytun'dan çekilen telgrafnâme leffen savb-ı vâlâlarına tisyâr kılınmakla meâline ve iş‘âr-ı sâbıka nazaran icab-ı hâlin sür‘at-i ifasına himmet.