Tarsus'taki olaylar ve Adana valisinin asker talebi

Tarsus'taki olaylar ve Adana valisinin asker talebi

Tarsus'ta olayların artış gösterdiği, yangınlar çıkmaya başladığı, halkın depolardaki silah ve cephaneyi yağmaladığı, karışıklıklar Adana'nın her tarafına yayılıp civar bölgelerden asker getirtmek zorlaştığından Tarsus'a yardım edilemediği Adana valisi tarafından bildirilerek vilâyet genelinde olayların daha fazla büyümemesi için en az 2-3 tabur asker talep edilmesi üzerine, valiye Dedeağaç ve Gelibolu'dan Adana'ya 2 tabur nizamiye askeri gönderileceği ifade edilerek asayişin sağlanması için elden gelen çabanın ortaya konulmasının istendiği (Tarih: 16 Nisan 1909) (BEO, 3535/265119)

Telgrafnâme
Mahrec Merkezi: Adana
Mahalli Numarası: 1311

Müsta‘celdir.

Huzur-ı Sâmî-i Sadâret-penâhî'ye

Tarsus'da dahi şûriş ve ihtilâl ziyadeleşip harîk zuhur etmeğe başladığı gibi depodaki esliha ve cephâne ahali tarafından bi'l-hücum yağma edildiği Tabur Binbaşılığı'ndan iş‘âr edilmekde ise de buradan nizâmiye göndermek değil mevcud nizâmiye ve efrâd-ı redîfe ile dahi teskin-i kıtâl ve galeyan mümkün olamıyor. Civar taburlardan peyderpey efrâd-ı redîfe sevk olunmakda idiyse de oralarda başgösteren ve gitdikçe tezâyüd eden galeyan, matlûb efrâd bakıyyesinin dahi buraya i‘zâmına mâni oldu. Binâenaleyh vilâyetin her tarafı ateş-i ihtilâl içindedir. Geceli gündüzlü gerek taraf-ı acizânemden ve gerekse cânib-i kumandanî ve eşraf [ve] mütehayyizân-ı belde ile edilen mesâî ve gayret semeresiz kalmakda olduğundan ve bu hâlin gitdikçe kesb-i vehâmet etmekde olduğu ve bu gece sabaha kadar şehir ve kasabalarda harîkler zuhur ederek her nereden olursa olsun lâ-[e]kal iki-üç nizâmiye taburunun yetişdirilmesi kemâl-i ehemmiyetle arz olunur.

Fî 3 Nisan sene [1]325

Adana Valisi
Cevad

Sadâret-i Uzmâ
Mektubî Kalemi
Tarih: Fî 3 Nisan sene [1]325

Telgraf

Adana Vilâyeti'ne

C. 3 Nisan sene [1]325. Dedeağacı ve Gelibolu'dan iki nizâmiye taburunun serî‘an i‘zâmı mukarrer olup vilâyetçe de iade-i sükûn ve asayiş emrinde en müessir tedâbîre tevessül edilerek bir an akdem netice-i matlûbenin husûlüne bezl-i makderet olunması ehemmiyetle tavsiye ve ihtar olunur.