Bu sayfa istinsah edilmiş
| Ekrem | Bir özge hâl ile güzerân etti nev-bahâr | |
| Âlem safâda hicr ile gönlüm kederdedir | Bahâ | |
| Olmaz * Bahâ * bu bezm-i temennâda neş'e-yâb | ||
| İşret safâsı * Ekrem * e cây-ı digerdedir |
Hatt-ı şeb-rengi gamıyla dilde sevdâ yüz verir
Hat-be-hat sad şerha-i dâg-ı süveydâ yüzverir
Hatt-ı mu 'ciz nakş ile yazmış kazâ ruhsârına
Âyet-i hüsnün ki ettikçe temâşâ yüzverir
Hatt ber-âverdir cemâl-i pâk-i cânân ba'd-ezîn
Dilde bî-pervâ yine hayli temennâ yüzverir
Hatt temeşşuk eylemez kılmaz ta'allüm dersini
Hâce-i devrân o şûha gör ki halâ yüzverir
Hatt-ı gûn-â-gûn ile yazılsa * Ekrem * bu gazel
Yaraşır kim tarz-ı hâsında bu ma'nâ yüzverir
Gamzen ki tarf-ı çeşm-i sühan-gûda gizlenir
Bir şîrdir nişîmen-i âhûda gizlenir
Gülşen de verse ruhsat-ı reftâr kaddine
Aks-i nihâl-i serv teh-i cûda gizlenir
Zannetme şeb cihânı siyâh eyler âhımız
Rûyuñki zîr-i perde-i gîsûda gizlenir
