Bunca zamândır etmişidim sînede nihân
Âhımdan oldu derd-i derûn âşikâr hayf
* Ekrem * henüz ukde-i bahtım açılmadı
Eczâ-yı cismim etti felek târ mâr hayf
Peyrevlik itdi hazret-i üstâda [1] [1] kilk-i şûh
Kıldı hicâb-ı aczi bizi şerm-sâr hayf
Urdı hicrânıñ dil-i pür-derde dâg-ı iştiyâk
Tâhir oldu gûyiyâ ahkerde dâg-ı iştiyâk
Dostum sanma kaf-ı hicr-i temâşâ-yı ruhun
Eyledi peydâ meh-i enverde dâg-ı iştiyâk
Kand-ı lâl-i nâbını yâd eyleyip sanma habâb
Şu'le-güsterdir mey-i ahmerde dâg-ı iştiyâk
Devr-i hicrânında ger cismim helâk eylerse yâr
Dûzaha bir dag olur mahşerde dâg-ı iştiyâk
Şu'le-i âvâz sanma olmada * Ekrem * müdâm
Ateş-efşân cân-sûz-âverde dâg-ı iştiyâk
Bir mürg-ı felâket-zedeyim bâl ü perim yok
Me'lûf-ı gamım bâg-ı murâd içre yerim yok
Peykânı güzâr etti dile ben yine bî-hûş
Cân gitti adem mülküne hâlâ haberim yok
Dil bir teb-i sevdâ çeker âfet-zede-i dâg
Şekvâ-ger-i bâr olmaga lâyık nelerim yok
- ↑ l) Yine birâderim izzetlü beyefendi murâd olunmuştur.
