Nefha-güsterdir dile bûy-ı cünûn-ârâ-yı dost
Şu 'le cûş olsa n'ola tûfân gibi sevdâ-yı dost
El-vifâk ey baht-ı vârûn el-amân ey çarh-ı dûn
Âlem-i sevdâda oldum cânla cûyâ-yı dost
Dil girân-bâr-ı günâh-ı aşkla bilmem nice
Eylesin azm-i sebîl-i kâ'be-i ulyâyı dost
Fitne-hîz oldu kıyâmet sahn-ı beytu'llahta
Dilde oldukça hırâmân kamet-i bâlâ-yı dost
Ettiler kâr-ı şeb ü rûzum figan * Ekrem * figan
Cevr-i tâkat-sûz-ı a'dâ derd-i istignâ-yı dost
Ey gamze cihân mülkünü pür-fitne vü şûr et
Ervâh-ı kudüsten dahi âsâyişi dûr et
Ey bâd umarız gerd-i reh-i kûyunu senden
Çeşm-i dili rûşengede-i şevk u sürûr et
Ma'nâda kelîm ol yine hâmûşluk eyle
Pervâne gibi kendine her âfeti tûr et
Düş hâk-i reh-i pâyına mahv eyle vücûdun
Bu sûretile meşhedini mebhıt-ı nûr et
*Ekrem * gibi tâ şöyle zebûn eyle vücûdun
Kim cây-ı penâhın teh-i bâl ü per-i mûr et
