Sayfa:Müze-i Hümayun, Luhud ve Makabir-i Atîka Kataloğu.pdf/10

Bu sayfa istinsah edilmedi

6 mukaddime


ahval-i ibtidaiyesini pek sade buluruz. Bundan kırk üç sene evvel yani hicretin bin iki yüz altmış altı tarihine aid vekayi'den istinbat idildiğine nazaran o tarihde Tophane-i Amire Müşiri merhum Fethi Ahmed Paşa ele geçen antikaları darphane ittisalinde vaki' harbiye anbarı ittihaz idilen (Sent- İren) kilisasının bir cihetine celb ve cem' eylemek himmetinde bulunmuş idi.

Tarih ve meskukat fenlerine tamı cihetiyle zamanının feridi sayılan Subhi Paşa merhumun maarif-i umumiye nezaret celilesinde bulunduğu hengamda bir müze tesis ve teşkili tasavvur ve tasmim idilerek ecdad-ı meali nejad-ı hazret-i hilafetpenahiden firdevs-i aşiyan ebulgazi Mehmed Han-ı Sani tab-ı serah hazretlerinin ahd saltanatlarında ve fethi müteakib hünerveran-ı İslam ma'rifetleriyle dersaadetde en evvel vücuda getirilan ve tarz-ı latif mimarisi elyevm celb-i inzar-ı bedayi'-i perestan eylemekde bulunan (Çinili) Köşk Müze-i Hümayun ittihaz ile harbiye anbarındaki asar-ı atika mezkur köşke nakl olunmuş ve andan sonra memalik-i şahanenin her tarafından peyderpey vürud iden asar o meyana idhal ve ilave olunarak eser himayet ve inayet-i cihankıymet hazret-i hilafetpenahi ile müze git gide tevsi' eylemişdir.