Sayfa:Lügât-ı Târîhiyye ve Coğrâfiyye (4. Cilt).pdf/6

Bu sayfa istinsah edilmiş

Lugat-ı Tarihiye ve Coğrafiye


cild


4



harf S


(Sart) yahud (Sard)- Aydın Saruhan Sancağı dahilinde Turgutlu Kazasına mülhak (Salihli) nahiyesinin nam-ı diğeridir. Nahiye-ü mezkure civarında mukaddema mevcud ve elan asar-ı meşhud olan kadim (Sart) şehri namına ma'ruf olub işbu şehir (Lidya) hükümdarlarının ve bazen dahi İran Satrablarının makarr-ı idaresi idi. (Sart) namında İranda bir aşiret ve Fransada (Luar) nehri civarında bir sancak ve bir ırmak bulunduğu gibi İtalya Hükumat-ı kadimesi dahi bu namla mevsum idilir bu hükumetler müahharen Toskana ile birleşmiş ve İtalya Krallığının bais-i teşkili olmuşdur. Sart şehrinin mahal-i mezkurda görülen enkazı meyanında tahminen on zira'-ı mimari irtifa'ında ve kırk arşun tul ve yigirmi beş arşun arzında üzeri açık beyz-ül şekil bir cesim bina görülmekde olub burası kadimen tiyatrohane yahud kilisa olduğu rivayet olunmakdadır.

(Sard Anapal)- birinci Asur devletinin son son hükümdarıdır. (H 4806) tarihinde yani miladın yedi yüz seksan sekiz sene mukaddeminde Babil valisi bulunan (Baalzarfol) yahud keldan baş papası (Blezis) mad valisi (Arpakses) ile aleyhinde bilittifak makarr-ı hükumeti olan (Ninova)yı