Bu sayfa istinsah edilmiş
atınuñ ayagına çap çap düşer siñ siñ siñler kazan bir tomar ile köpegi urdı köpek çekildi geldügi yola getdi
kazan köpegi kovalayı karaca çobanuñ üzerine geldi çobanı gördüginde haberleşdi görelüm hânum ne haberleşdi kazan eydür
karanku ahşam olanda kaygulu çoban
karıla yagmur yaganda çakmaklu çoban
ünüm añla sözüm diñle
ag ban evüm şundan geçmiş gördüñmi degil maña
kara başum kurbân olsun çoban saña
dedi çoban eydür
ölmişmiyidüñ yitmişmiyidüñ a kazan
kanda gezeridüñ neredeyidüñ a kazan
dün yok öteki gün evüñ bundan geçdi
karıçuk anañ kara deve boynında aşılu geçdi
kırk ince bellü kızıyıla helâlüñ
boyı uzun borla hâtun
aglayuban şundan geçdi
kırk yiğidilen ogluñ uruz
başı açuk yalın ayak
kâfirlerüñ yanınca tutsak
