Sayfa:Kitab-i Dedem Korkut - 16th century manuscript in Old Turkish.pdf/275

Bu sayfa istinsah edilmiş

eşidüp şâd oldı gümbür gümbür davullar çalındı altun koç borılar agrıldı ol gün ala bârgâh otaklar dikildi atdan aygırdan deveden bugra koyundan koç kırıldı koca beg ogullarına karşu geldi atdan endi ogullarıyıla kuca kuca görişdi hoşmısız esenmisiz ogullar dedi günlügi altunluca odasına geldiler şâdılık yemek içmek oldı ulu oglına dahı görklü gelin getürdi iki kardaş birbirine sagdıç oldılar gerdeklerine çapup düşdiler murâda maksuda erişdiler dedem korkud gelüben boy boyladı soy soyladı

evvel âhır uzun yaşuñ ucı ölüm
ölüm vaktı geldüginde arı îmândan ayırmasun
günâhuñuzı muhammed mustafâ yüzi suyına bagışlasun
âmîn deyenler dîdâr görsün
hânum hey

salur kazan tutsak olup oglı uruz çıkardugı boyı