Sayfa:Kitab-i Dedem Korkut - 16th century manuscript in Old Turkish.pdf/134

Bu sayfa istinsah edilmiş

aslan adum
saklarıdum senüñ içün
yaka tutup kâfirile ugraşayım senüñiçün
agız dilden birkaç kelime hâber maña
kara başum kurbân olsun agam saña

kazan burada soylamış görelüm hânum ne soylamış kazan eydür

ogul ogul ay ogul
menüm ünüm añla sözüm diñle
ol kâfirüñ üçin atup birin yarmaz okçısı olur
hey demedin başlar kesen cellâdı olur
âdem etin yahnı kolan aşbâzı olur
sen varası kâfir degül
kalkubanı yerümden men turayım
koñuz atuñ beline men bineyim
gelen kâfir menümdür men varayım
kara pulat üz kılıcum çalayın
azgun dînlü kâfirdür başların keseyin
döne döne savaşayın
döne döne çigişeyin
kılç çalup baş kesdügüm görgil ögrengil
kara başuña düşende gereklüdür

dedi uruz