—Aruz veznile yazılmış şiirler—
Eğildim secde kıldım hânedâna
Nuş ettim şerbetinden kana kana
Zihî devlet beşâret ben gedâya
Yürürken uğradım dürlü dükâna
Sarrâf olan bilür gevher bahâsın
Anı kıldı mubah pîr ü civâna
Yürüdüm dest- be-dest kıldım meâli
Düşübdür meskenim iki cihâna
Erenler âsmânın direğidir
Direk yerden dikilür âsmâna
Ululuk ister isen hizmet eyle
Ayak bir bir basarlar nerdübâna
Cihânı açtı Sultan Haydar oğlu
Erişti gaziler kevn ü mekâna
Hezâran kisveden baş gösterirsin
Anınçün halkı salarsın gümâna
Musâhib olana hem dest gerektir
Kadîmî gelicek kalmaya câna
Biner Düldül çalar şah Zülfikaar’ı
Kalubdur Ali’den darb-ı nişâne
Hatâyî’yim bu gün meydân içinde
Şah’ın medhin okuram dervişâne
Taâlâ şânuhu gel gör ki bir nûr-i Hudâ geldi
Cem’î hatm-i enbiyâ Muhammed Mustâfa geldi
Sevindi cân-ı âşıklar açıldı baht-ı sâdıklar
Çağırdı rûh-i mü’minler safa geldi safâ geldi
Safâ ehli zeminlerde zamanlarda mukaddemde
Feleklerden meleklerden hezâran merhâbâ geldi
Feriştehler inüp gökten beşâret ehl-i irfâna
Havâric’e ecel yetti Yezid’lere belâ geldi
