Sayfa:Bektaşi Şairleri ve Nefesleri 19 Asıra Kadar Cilt 1-2.pdf/21

Bu sayfa doğrulanmış
18
BEKTAŞİ ŞAİRLERİ

―2―

Her dem bile danışub anı kandedir dirsin
Uyanuk sanma seni yavlak katı uyursun
Dün gün sana çağırır bir berü bakgıl diyü
Bir kez dönüp bakmadan uyumazın sanırsın
Ana bakan kimsenün gözünde hicâb olmaz
Niçün gözün hicablı bunca yıldır bakarsın
Gel açalım nazarı koyalum nengüârı
Anun içün görmedün güman ile bakarsın
Işk ile aç gözünü doğru eyle özünü
Zinhar eğri dirilme çün doğruluk bilürsin
Kim yolu doğru vardı cümle düşman il oldu
Niçün dost eylemezsün çün düşmanın bilürsin
Katı uykuda kişi düş görmek anun işi
Göre durduğun söyle niçe düşün söylersin
Kimsenün yükün seşgil sen dost iline aşgıl
Said lik dutavarup dostu bulam sanursun

―3―

Nagâh yağma eyledi ışk odu canumuzu
Hiç kimse nitelükden virmez nişanumuzu
Nice nişan vireler kangı yoldan soralar
Çün elden bırakdurdu dîn ü îmânumuzu
Ne îmâna bakdurur ne hud dine tapdurur
Kendüyle bile dutar yıkdı dükkânumuzu
Verdi birlikden şarab kıldı dükkânı harab
Cümlesini terkitdük assı ziyânumuzu
Ne assı var ne ziyan gelsün canuna kıyan
Cümlesinden geçüben bulduk sultânumuzu
Çünki oldu bilelik kaldı nelik nitelik
Ayruluk söylemeğe komaz lisânumuzu
Yüzbin lisancı gelür yüzbin can yolda kalur
Yüzbin gözler göremez bizüm cevlânumuzu
Gözler nite göriser kimse nite iriser
İki cihandan öte kurdı sayvanumuzu