Bosna köyini Türkiyade bırakan his olunacak derecede müstakim bir hat. Çörek köyi, beşinci maddede zikr idilen komisyon tarafından ahâliyesi ekseriyet itibariyle türk veyâ rûm olarak tanılacagına göre türkiya veya yunanistana virilecekdir. 11 teşrin-i evvel 1922 tarihinden soñra bu köye hicret eden ahalî hesaba alınmayacakdır; oradan adalar deñize kadar:
Meriç mecrâsı
Bahr-i sefidden iran hududına kadar türkiyanıñ hududı bervechi zir tesbit edilmişdir:
1— Suriye ile:
20 Teşrinievvel 1921 senesinde akdolunan Fransa-Türkiya itilâfnamesinin 8 inci maddesinde musarrah ve muayyen hudud;
2— Irak ile:
Türkiya ile Irak arasındaki hudut işbu mu'ahedenameniñ mevki'-i meriyete vaz'ından itibaren dokuz ay zarfında Türkiya ile Büyük Britanya arasında suret-i maslahanede tayin edilecektir.
Tayin olunan müddet zarfında iki hükumet arasında i'tilaf husule gelemediği takdirde, ihtilaf Cemiyet-i Akvam meclisine arz olunacakdır.
Hattı hudud hakkında ittihaz olunacak karara intizaren Türk ve Britanya hükumetleri mukadderat-ı kat'iyesi bu karara muallak olan arazinin hal-i hazırında her hangi bir tebeddül ifa'ına bais olunacak mahiyetde hiç bir hareket-i askeriye veya sairde bulunmamağı mütekabilen taahhüd iderler.
İşbu muahedede zikr idilen hududlar iş bu muahedeye merbut bulunan mikyasındaki haritalar üzerinde tersim idilmişdir. muahede metni ile haritalar arasında ihtilaf vukuunda muahede metni muteber olacakdır.
İkinci maddenin 2 numerosunda muharrer hududları arazi üzerinde çizmeğe bir tahdid-i hudud komisyonu memur idilecekdir. bu komisyon her devlet içün birer murahhas olmak üzere Yunanistan ve Türkiya murahhaslarından ve mezkur hükumetlerce bir devlet-i salise teb'ası meyanından müntahab bir reisden terekküb idecekdir.
Mezkur komisyon idari
