Ogluma

Set riçin ziştî-i yübûsetini
Şu beyâbân-ı ömr-i hâsirimin
Yed-i hilkat senin tarâvetini
Üstüne attı sadr-ı nâirimin..

Beni tesmîn eden tahayyülden
Senin aklında bir oyuncak olur;
Ben sükût-ı tefekkürümde iken
Senin elhân-ı safvetin duyulur..

Rûhumun rîk-i inkisârında
Sade sen mâil-i teâlîsin:
Makber-i bahtımın kenarında
Açılan gonce-i tesellîsin..

Seni bulmakla leyl-i derdimde
Sanki bir parçacık güneş buldum;
Âşiyân-ı hamûş u serdimde
Bir sürûr-ı ziyâ, bir eş buldum..

Zülfünü kokladıkça yastıkta
Yükselir, incelir kırık ömrüm..
Sana baktıkça her bataklıkta
Bir küçük aks-i asümân görürüm...

Cenab Şahabeddin