Nağme-i Seher/hâtır-ı zâr nakaratlı şarkı
Şarkı
Bahâr oldı açıldı bag u gülzâr
Hurûşa başladı şevkıle enhâr
Safâ-cûyâne olmuşken fülk-i yâr
nakarat
Baña olmaz müsâ'id baht-ı gaddâr
Mükedderdir açılmaz hâtır-ı zâr
Edüb bezm-i tarabda ıyşa âgâz
Dil etse istimâ'-ı nagme-i sâz
Olur te'sîri câna âteş-endâz
eyzan
Cihâna geldigim günden beri tâ
Usandım çerhe itmekden temennâ
Yazık âlemde kim bir lâhza hâlâ
nakarat
Baña olmaz müsâ'id baht-ı gaddâr
Mükedderdir açılmaz hâtır-ı zâr
-