Nağme-i Seher/Kafiye-i Yâ/Yedinci Gazel

Agladıkça ben gamınla bülbül-i pür-gam gibi
Şâd ol ey rûh-ı revân sen gel gel hurrem gibi
Hiç eser kalmazdı dilde yâreden bir şevk ile
Sarabilsem sîneme bir şeb seni merhem gibi
Yâd edip âh eyleyem yâr ile ülfet âlemin
Ömrüm içre görmedim görmem yine ol dem gibi

Bir nigâh-ı iltifât etme bu bezmin câmına
Kâse kâse hûn-ı dil nûş eyle câm-ı Cem gibi
Bir mehin şûrîde-hâl-i aşkıyım ben nâ-murâd
Hâtır u fikrim perîşân olmada *Ekrem* gibi