Nağme-i Seher/Kafiye-i Râ/On İkinci Gazel
< Nağme-i Seher | Kafiye-i Râ
Çeşmin o gurre-mestiñe mestâne gösterir
Her âşinâ nigâhını bîgâne gösterir
Feyz-i bahâr şebnemi yakut-fâm edip
Dâmân-ı gülde cevher-i şeh-dâne gösterir
Cennette olsa âşıkı ol mâh-ı işvenin
Hicrân-ı kûyu yine garîbâne gösterir
Gâhî ki tarf-ı zülfini tahrîk eder nesîm
Her bir hande bin dil-i dîvâne gösterir
Her râst-bîne cilve-i ma'nâ-yı hüsn ü aşk
Şem'-i ruhunda hâlini pervâne gösterir
Âyîn-i zevk-i mey-gede-i aşka âmizîn
Her bî-nevâ gedâsını şâhâne gösterir
* Ekrem * nevâ-yı bülbül-i âteş-hurûş-ı dil
Mâtemgeh-i derûnu tarab-hâne gösterir