Nağme-i Seher/Kafiye-i Râ/Dördüncü Gazel
< Nağme-i Seher | Kafiye-i Râ
Gubâr-âlûdelik mir'âta âsâr-ı celâdandır
Dil-i sâfın keder-nâk olması mahzâ safâdandır
Şikest-i bâl-i mûr-ı kemtere yok kimsede kudret
Meşiyyet cümle-i eşyâda ahkâm-ı kazâdandır
Girîbân-çâk eder surhî-i haclet gonce-i şûhı
Zuhûr-ı vaz'-ı küstâhî gehî fart-ı hayâdandır
Veren feyz-i hevâdır aşka isti 'dâd-ı rûhânî
Hurûş-ı girye-i mestâne te'sîr-i sadâdandır
Siyeh-gûn eyler ey * Ekrem * sehâbı katre-i bârân
Kibârın zulmet-i reng-i likası hep gınâdandır