Nağme-i Seher/Kafiye-i Hâ/İkinci Gazel
Sanma lâ'linde olan tebhâledir çeşmânıma
Gonce-i neşküfte üzre jâledir çeşmânıma
Ol kadar dil-sûhte kıldı beni nâr-ı firâk
Eşk-i hasret âteş-i seyyâledir çeşmânıma
Başına çalsın gül-i hûrşîd beni gerdûn-ı dûn
Dâg-ı âteş-tâb-ı sînem lâledir çeşmânıma
Târ u pûdu rişte-i medd-i nigâh-ı intizâr
Hâk-i pây-ı reh-güzârın kâledir çeşmânıma
Gûş-ı dil cûş u hurûş-ı eşkle oldukça bir
âferin gûya-yı zâr u nâledirçeşmânıma
İn'ikâs-ı mâh cân-efrûz-ı dîdârı ile
Halka-i çarh *Ekremâ* bir hâledir çeşmânıma