Ana menüyü aç
Kişi dizini: S Ümmî Sinan


Bazı örnek şiirleri:

  • Be yârenler nazar kıldım âleme
  • Cânından ayrılan tenler iniler
  • Ne gelirse söyler oldum dilime
  • Teninden ayrılan canlar iniler
  • Kimdir bu dünyada güldüm diyenler
  • Maksudum muradım buldum diyenler
  • Kanı şol yardan ayrıldım diyenler
  • Akıdıp gözünden kanlar iniler
  • Fânisin hey fâni cihan fânisin
  • Derd-ile mihnetin tamam kânısın
  • Kimi eşin aldırmış kimi yavrusun
  • Âh edip derdile şunlar iniler
  • Bu ayrılık bir acâyib hâiımış
  • Bunda gelen uğrar ulu yolimiş
  • Bülbülün efgânı hemân gülimiş
  • Okuyup dürlü destânlar iniler
  • Ümmi Sinân eydür çıkma yolundan
  • Allah'ın zikrini koma dilinden
  • Sabr et yürü var ne gelir elinden
  • Sevdiğinden ayrılanlar iniler

  • Neylerem cân u cihânı bana Rahmânım gerek
  • Tâ ezel kâlû belâda ahd ü peymânım gerek
  • Bülbülüm âh u figânımdan murâdım her nefes
  • Ol gülistânım bağında nûr-ı Yezdânım gerek
  • Bahr-ı mutlak kuşı idim bunda pervâz eyledim
  • Bu kanadım açdığımdan bahr-ı ummânım gerek
  • Kimdür ol mâhın yolunda var varından geçmeyen
  • Cân fedâ olsun yolunda bana cânânım gerek
  • Akl u cân kevn ü mekânın terkini kâr eyledi
  • Varlığından el çekip der sırr-ı Sübhânım gerek
  • Bî-nişân u lâ-mekân iklimine kıldım nazar

Gayrıdan yokdur murâdım yine seyrânım gerek

  • Aşka uydum Mustafa devrinde geldim âleme
  • Giderim âh-ı firâkım Şâh-ı kerbânım gerek
  • Ol hakâyı iklîminde dürr-i bi-hemtâ idim
  • Mevc- ile geldim cihâna bana ol kânım gerek
  • Ol safâ şehrinde her dem ilm-i Hâk mihmânıyım
  • Kâl u kil benden gerekmez ilm ü irfânım gerek
  • Pâdişâh-ı Lâ-yezâlin şem'ine pervâneyim
  • Aşka fermân olduğumdan yine ol hânım gerek
  • Der mahabbet denizinden nûş ederdim akl u cân
  • Bu Sinân Ümmi gerekmez bana erkânım gerek