Hatıra-i Yâr

Dest-i tehekkümünde kalan rîze-i dilim
İhtâr eder mi 'aşkımı bilmem o 'afete?
Benden kalan o rîze-i hûnîn-i şefkate
Bir kerrecik dönüp de nigâh etse kâilim.

Ben hep o bîvefâyı tahatturla toplarım
Enkâz-ı târümârını ezvâk-ı 'ömrümün;
Hâlâ odur tebessümü âfâk-ı 'ömrümün,
Hâlâ onun hayâlini ruhumda saklarım.

Manzûr olunca ufk-ı nasîbimde ayrılık
Emvâc-ı iktirâbımın üstnüde sebh ile
Oldum resîde sâhil-i hecr ü tevekküle!

Bahr-i heveste çektiğim âlâma karşılık
Bir dürre-i semîne gibi kaldı yadigâr
Dest-i dilimde hâtıra-i nâzenîn-i yâr...

Cenab Şahabbeddin