Gelmişem yüz süriyü togru kılup rah sana

Feʿilātün feʿilātün feʿilātün feʿilün

Gelmişem yüz süriyü ṭoġru ḳılup rāh saña
Dilerem ʿarż ḳılam ḥālümi ey şāh saña

Anca ʿadl ıssı şehinşāh'ı ciḥānsın ki gelür
Āsitānuña güneş ḥiẕmete her gāh saña

Cān u dilden oḳur ey ruẖları gül medḥ saña
Rūz ü şeb bülbül'i cān ṣubḥ u seher-gāh saña

Yaḳdı yandırdı şehā teşne-dili ġayret odı
Ẓulmet'i ġamda ḳoma Ḫıżr olā hem-rāh saña

Nev-cevān ide Züleyẖā gibi ey Mihrī seni
Ḳıla ger luṭf ile Yūsuf naẓarın şāh saña