Ermenilerin askerî depoyu basma teşebbüsünde bulundukları söylentisi

Bâb-ı Âlî
Daire-i Umûr-ı Dahiliye
Mektubî Kalemi

Adana Vilâyeti'nden alınan şifre hallidir.

Dünkü Pazartesi gecesi Ermeniler asker deposunu basmak teşebbüsünde bulunduklarına dair avâm arasında bir şâyi‘a çıkarılması ve güya hükûmete haber verilmesi üzerine asâkir-i nizâmiyeden kollar çıkarıldığı ve şu hâlin geceleyin epeyce heyecanı dâ‘î olduğu sabahleyin istihbâr olunmasıyla tahkikât-ı lâzıme bi'l-icra polis ve zâbıtadan verilen ve bi'l-isti‘lâm Adana Fırka Kumandanlığı'ndan alınan malumâtdan o gece böyle bir hâl ve hareket olmadığı gibi asker kolları çıkarılmadığı anlaşılmışdır. Bedhâhlığın sâika-i denâetkârânesiyle vâki olan şu erâcîf vilâyet gazeteleriyle tekzib ve ezhân-ı ahali teskin edilmekle beraber şâyi‘âta sebeb olanlar hakkında tahkikâta devam olunmakda olduğu berây-ı malumât ma‘rûzdur.

Fî 24 Şubat sene [1]324

Adana Valisi
Cevad