Bilmeyen İnsan Değil Billâh Bu Cânın Kadrini
Bilmeyen insan değil billâh bu cânın kadrini
Gitmeden bilmek gerek rûh-i revânın kadrini
Lûtf u ihsân eyleyen dâr-ı fenâ içre müdâm
Lâcerem oldur bilen dâr-ül-hakanın kadrini
Serbeser cismini vîrân etmeyen tâ aşk ile
Bilmemiştir gevher-i genc-i nihânın kadrini
Çekmeyen derd ü belâ vü mihnet ü hicran gamin
Ol ne bilsün derdmend-i nâtüvânın kadrini
İsteme her şûm-i nâmerd ile nâdandan kerem
Hem yine merdan bilür merd-i Hudâ'nın kadrini
Bunca devran geldi geçti bilmedi münkir henûz
Derviş-i bîçâre-i ehl-i duâanın kadrini
Ey Kalender râzını keşf etme her nâmahreme
Değme can bilmez, bilirsin bu beyânın kadrini