İzhar-ı Teessür
Ey kıble-i erbâb-ı yakîn, 'ârif-i ekmel
Üstâd-ı mübeccel!
Ey 'âlim-i fazl ü hünerin, zât-ı necîbi
Kıymetli edîbi!
Ey şâ'ir-i pâkîze-siyer, zemzeme-pîrâ
Pür şevk ü tarab-zâ!
Gaybubetin itdi beni nâlande vü ebkem!
Ey sevgili Ekrem!
"Şişli"de olub ni'met-i vasim ile sîr-âb
Def âtle şeref-yâb
Hengâm-ı mülakat olarak lutfuna nâ'il
Mahsûd-ı emâsil!
Şermende-i ihsanın olub bir nice müddet
Eyler idim 'avdet
"Hatırda durur sohbetinin lezzeti hâlâ"
Ey fâzıl-ı yekta
Nâmınle de bu 'abd-ı hakîri idüb es'âd
Her veçhile dil-şâd
Sen gülşen-i firdevsi makarr eyledin amma
Ben dem'alar icra
Gülzâr-ı safa içre ola rûh-i kerîmin
"Pirâye!" nedimin.