Üsküdarlıların, Vebanın Sebebi Olarak Gördükleri Fahişelerin Zindana Atılmalarına Dair Talepleri

Ma‘rûz; Medîne-i Üsküdar’da vâki‘ bi’l-cümle e’imme ve hutebâ ve esnâf kethüdâları ve sâ’ir cemm-i gafîr ve cem‘-i kesîr mevsûkü’l-kelim bî-garaz kimesneler meclis-i şer‘-i hatîrde her biri bast-ı kelâm idüp, medîne-i mezbûrda İskele-i Kebîr civârında kayıkhânlerde ve sâ’ir mahallerde fevâhiş makūlesi serseri geşt ü güzâr idüp nice fesâdı mü’eddî olacağı âşikâr olduğundan mâ‘adâ husûsan bu eyyâmda kesret-i vebâ ve hastalığın şiddetine bâ‘is ü bâdî olmağla izzetlü bostancıbaşı ağa kulları ma‘rîfetiyle mezbûrâtı ahz ve zindâna vaz‘ ve kūt-ı yevmiyyelerin ta‘yîn olunmak bâbında fermân-ı âlîleri sudûrunu ahâli-i merkūmûndan her biri istid‘â ve istirhâm eyledikleri bi’l-iltimâs huzûr-ı âlîlerine i‘lâm olundu. Fî 20 L Sene 1227/27 Ekim 1812.

Kaynak: Çetin, E. (2018). 1812-1814 Veba Salgınının Üsküdar'a Etkileri. 1, 191-215.çevrim içi erişim
Telif durumu:

İlk kez Osmanlı İmparatorluğu'nda yayınlanan bu çalışma devletin uluslararası telif anlaşmalarına taraf olmaması sebebiyle kamu malıdır.