Sayfa:Nağme-i Seher.pdf/60

Gûş-ı dil cûş u hurûş-ı eşkle oldukça bir
⁠âferin gûya-yı zâr u nâledirçeşmânıma
⁠İn'ikâs-ı mâh cân-efrûz-ı dîdârı ile
⁠Halka-i çarh *Ekremâ* bir hâledir çeşmânıma

Gönül ser-mest olup sahbâ-yı lâ'lin yâda geldikçe
⁠Olur dehşet-figen rûh-ı Cem'e feryâda geldikçe
Cemâdâtı ser-â-ser girye-rîz-i hüzn eden âhım
⁠Mesârr îcâb eder çarh-ı cefâ mu'tâda geldikçe
Hudûs ancak eder ma'nâ-yı ma'dûmiyyeti intâc
⁠Olur vakf-ı fenâ eşyâ bütün îcâda geldikçe
Ne hoştur cilve-i aşk-ı emel-fersâ ki Şîrîn'in
⁠Komuş cân şekline âzârını Ferhâd'a geldikçe
Seni tasvîr eden ressâm-ı sun 'un kilk-i destinde
⁠Olur sad-çâk tîg-ı gamze-i bî-dâda geldikçe
Getir rûz-ı hesâbı yâdına bir kerre ey zâlim
⁠Kalem cevrinden acz-âver olur ta'dâda geldikçe
Anılsın neş'e-i zahmınla bî-hûş olduğum eyyâm
⁠Ser-â-pâ çâk olur cism-i za'îfim yâda geldikçe
⁠Neşât-engîz olur ahbâba satr-ı şi'rim ey *Ekrem*
⁠Döner mâr-ı helâhil-güstere hassâda geldikçe