Sayfa:Nağme-i Seher.pdf/61

Şâd et beni bir kerrecik olsun keremiñle
⁠Öldür gideyim âlem-i ukbâya gamınla
Biñ cevher-i cân verse de âşık bedel olmaz
⁠Bir kerre şehîd olmaga tîg-ı elemiñle
Lâyık degiliz cevrine hem kahrına billâh
⁠Çokdur bizi taltîf ü nüvâziş kereminle
Bülbül yetişir sabrımı sâmânımı yaktın
⁠Âteş gibi te'sir-i nevâ-yı nagmenle
Cem' eyledigin dilleri bilsen ne belâdır
⁠Hep bir yere ol silsile-i ham-be-hamınla
⁠Bî-cân olarak pâyına düşse n'ola *Ekrem*
⁠Sen hande-i nâz eyler iken gonce-feminle

Sanma lâ'linde olan tebhâledir çeşmânıma
⁠Gonce-i neşküfte üzre jâledir çeşmânıma
Ol kadar dil-sûhte kıldı beni nâr-ı firâk
⁠Eşk-i hasret âteş-i seyyâledir çeşmânıma
Başına çalsın gül-i hûrşîd beni gerdûn-ı dûn
⁠Dâg-ı âteş-tâb-ı sînem lâledir çeşmânıma
Târ u pûdu rişte-i medd-i nigâh-ı intizâr
⁠Hâk-i pây-ı reh-güzârın kâledir çeşmânıma